America latina yak ACAI-LA yaklauwi kul tipni kilitna nuhni balna yakat ilp di munwi, sins ni lani wisasamni kau duwi sumalna atnin. ACAI-LA wauni taya yakat kulna tani arunka adika balna ui kuihnin wantki:
- Kul tipni kilitna nuhni balna yakat barakwi kiunin, kal uduhna tingni ta yakat duwi, tuni sat sat balna yuyulwa balna yakat, apahni dawi yudutni, di yamni kulna tani yakat, di wisamni kaiwa kidi muih bitik duwi ilp ni lani yakning, win minit kau wisamni dawi masin balna yakarak di kasuk yusmunwi ilp ni lani dunin.
- Kul tipni kilitna nuhni kawi danh yayamna kidika tunan duwi, amanglawi dawi tinta yayamwa balna uk karak kal libitwi sinsnina lani bahawi dawi tinta pani balna wisasamni yamnin.
- Kul tipni kilitna nuhni baisa minit yak kawi danh yayamna balna ki, sinsni lani wisasamni kidi sahwi kiuna atnin muih balna bitik yakat di wisamni balna kidi.
- ES kidi yaklauwi tunan duwa balna yakat kulna tani, kul balna yakat laiwi talnin sau aiska win ni minit wisamni kidi amanglawa pa.
ACAI-LA kulna tani naini duwa yakat adika balna uikuihnin wantki:
- Kulna tani duwa yakau yamwi kiunin kul balna kidi baisa apahni, yamni dawi muih bitik kan¡nna sip.
Ta di munna tiaskau bas dawi nit ni lani balna wat wat laiwi talwi dawi IES-LA kulna tani masin balna kau duwi kiwa kidi. - Tingta yamyang balna bas ni sangni bas minit kau muih as luih balna yakat tadi muiwi, libitwi di tatalna masin balna yus miwi lan pa. Wawahma tausin as minit kau basni sangni bu, di uduhwi dawi di sumamalna tatuna as kidi amput atnin kidi, sinsni lani tadi munnin di bakakanwa pani yakat dawi offshoring kau duwi yusmunwi amput di balna yamwi kiunin kidi.
- Muih as luih bas minit kau arungka tingta tunan duyang balna kal uduhna as kau laiwi tatalna amput dawi wawahma balna kidika baisa yamwak ridi kakal waranyah.
- ACAI-LA kulnin lani as kalawak RAE-MOOC kidika kulna tani muih as luih bu minit kau salap lan kilnin dini balna yusmunna muih kul tipni kilitna nuhni balna kawi danh yayamna balna yakat.
- ACAI-LA win minit yakat waunitaya yamna sakki tiaskau bas pa sat sat kau.
- Baraknin lani yanwi kiunin ma yahkit yak, tuni sat yuyulwa balna dawi kulnin lani apahni, dulauwi kiunin sau uk balna karak. ES kulna tani munah win minit wauni taya balna karak.
- Kul tipni kilitna nuhni tiakau bas IES-LA baisa yamni yamwi kiuna atnin barakna lani balna yakat dawi laiwi duwi kiunin ACAI-LA sinsni lani karak.
- Tunan kayang balna muih as luih arunka libitna, kal uduhna tiaskau bu yakat tunan duyang balna tanitna yakat lapapakna dawi kulna tani kul tipni kilitna nuhni danh yayamna balna yulni.
- Kal auduhna muih as luih minit kau salap tunan duyang balna, tinta yamyang balna kal papakwi dawi kal uduhwi yul babauna parasni duwi kiuna atnin tingta balna yamnin yakat.
- Tunba kasyang basni sangni bas balna kidi kul tanka yakat parasni kalalawi.
- Tingta yamnin dini balna tadi munyang nunuhni balna kidi di wisasamni nining kawi uiwi TIC munah, nining kana yamni wing minit yak dawi uk uk balna bik.