Kul tipni kilitna nuhni kidi suani nuhni ul yakat, taini lani yamni karak sat uk as sumalning, tipni kilipna nuhni kul ni u ni balna yakat win minit sins ni lani wisamni yakarak sumalnin, di wisasamni kalahwa kidika yakau lan kalninna, yamni sulalwa lanikat kul ni balna yulni, win minit sins ni lani dawi kal uduhna balna karak kapapat kulna tani aslah yamnin, baisa kau nuhni kul lani yakat laiwi talwa bang kidika, kul tani yak sem wilni arungka pauni duwi yamwak kira kapat ma takit yak kiunin ki, kul tipni nuhni pani kaupak America latina Barak nin lani munah.
ACAI-LA kulnin lani. “Latinoamenrica kul ni u ni balna yakat Barak nin tani yamni as duwa atnin” wing ni minit wisamni kidi tunba kasyang balna yakat sumalna^atnin yamni amang lawi dawi sumalnin, kaput dawak muih bitik kapapat kul tipni nuhni yakat kiwi kanigna, America latina kul ni u ni tipni nuhna balana yakaupak kalahwi dawi tinta yamni as duwi tanit yak kinin.
Win minit (red-internet) kidi yus minwi kulna tani aslah duna atnin, apahni, yudutni, America latina dawi unión Europea kulna tani aslah yayamna, kul tipni nuhni kawa balna yakat tingnina laihwak win nimint wisamni kidi lan kalwi dawi barak na lani baisa duna atnin kul kayang balna as lah.
ACAI-LA, Erasmus dawi Union Europea kulning na aslah duduna, basni nuhni bu mint kau salap minit yak singka (2015) kurihni yakat kulna tani basni sangni mint yak muih as luih bu (140-proyectos) kidi balna karak duwi tanitna yakat lapapakna, kulna tani duduna sau aiska kul uni tipni nunuhni balna yakat sins ni lani wisamni karak sumalwak tanitna yak uininna. Kal uduhna Erasmus tingnita adika sau ul yak duwasa sakki, pasni pauni as dawi basni sanni arunka (900) kul u ni tipni nuhni unibalna karak tingta yamwi, sauni daklana muih as luih arungka (90) tinta yamning pani bangki.