Ma salap minit kau tias kau ,as was yal wainiku, kurih basni nunuhni bu minit kau salap minit kau tias kau bu, tunba kasyang Roberto Nuñez kul tipni kilitna nuhni Magdalena tunan kawa lik dai kal uduhna ACAI-LA yak, kal uduhna yak yulbabauna LAIHWI TALNIN, SINSNI LANI YAMNI,TUNAN APAHWA alasnina yayamna salap minit kau tias kau bas kal uduhna sau ul balna karak wing minit munah Bogota Colombia pani yak.
Tunba kasyang,ayngni laih Aguas kul tipni kilitna nuhni kul ni sumalyang, kal uduhna ACAI-LA karak aslah bamak sitna,nining kana tunan as yamna laihwi duwa di minik yamni kidi, muih bitik dunin sip, di wisasamni balna kul tipni kilitna nunuhni Latinoamerica-ACAI-LA. Nining kana ACAI-LA tingnita yamna balna kidika.
Adika kal uduhna, ACAI-LA sinsni lani kidi talnin amanglanin kul tipni kilitna nuhni balna pasyak, kaputbik sipki kal bamak sitwi dawi yulbauwi dakanin tingta pani balna uk karak bik. Adika kal uduhna akat kulnin lani awi kiwi kal uduhna balna baraknin tani yakat, walwi di balna kidi ramh sinsni lani yamni, minik balna kalahwa kidi ACAI-LA kaupak dawi wing minit yak bik yamwi kiunin ACAI-LA tingni awa munah.
Baisa amanglanam kat kal uduhna yak : Ir a web Virtual Educa 2017