Managua, muih as luih minit kau bas win wainiku yak, kurih basni nuhni bu minit kau salap minit kau tiaskau bu. Kurih bani, basni sasanni arunka milian wawahma kal ududuhwi pa balna sat sat kaupk, Nicaragua bik, tadi mumunwi kidi awas bik sinsni na lani kau yamni yayamwi kul tipni kilitna nunuhni balna Europa saitni yak kaput bik tingnikih lani Erasmus kaupak, kal uduhna Union Europea (EU) adi kurihni akat, kurihni kal muh pakna ,muih as luih minit kau salap laihwi.
Union Europea(UE) Tunan muihni balna Nicaragua akat kal ududuhna Erasmus+ alasnina yamna atnin sau ul yak, nining launa di yawi kul kanin kul sumalyang, tadi munyang nunuhni balna kaput bik kul kayang balna yak. Alasnina adi duwi tanitna yak uina kal uduhna pas yak bang kid muihni balna karak dawi gabamint tingnita yamyang balna, silp tingnta yayamwa balna dawi kul tipni kilitna nunuhni balna kark bik. Nicaragua akat kul kayang balna andat bu dawi tunba kasyang balna tingnikih lani tatalna Erasmus kaupak kurih salap pitni. “Erasmus kidika kulna tani nuhni yamwi kiwi Union Europea(UE) parasni kalawak tawan balna yak, yamni yamwi kiunin kul yakat. Kulnin lani kal uduhna kurih basni nunuhni bu minit kau salap minit kau arungka(2014)-basni nunuhni bu minit kau muih as luih(2020) Nicaragua akat, tingni laihna muih as luih bu minit bas milianh (43 millones-Euros) kul kanin tani yak bik kau kidi wawahma balna yak”. kaput yulna Kenny Bell, Union Europea minit talyang Nicaragua akat.
Kaput bik Union Europea minitna diyana kul tipni kilitna nuhni balna Nicaragua akat, kulnin lani yaksihni duwi uina kidi yulni dawi Erasmus baraknin lani yak, kaput bik kau yamni kalalahna UAM dawi UNAN-LEON, bu pak Nicaragua tunan kakawi ACAI-LA tingnita yak.
Kaput bik Erasmus kulnin lani parasni yamwi kiwi tingta pani balna kul tipni kilitna nuhni balna Nicaragua akat dawi tawan uk balna yak.Union Europea kulnin dulauna tingta tias kau bas yamnin pa balna bitik yak (tias kau as milian Euros) yakau duwi baraknin lani kul tipni kilitna nuhni yakat, tanit kawa kul tipni kilitna nuhni yak dawi kulninna aslah duwi kiunin kul tannika yakat, kaput yulna tunan talyang Bell.
Uba nuhni kulna ki UAM tunan wauyang nuhni, Ernesto Medina Sandino, witing bik kana kal uduhna yakat, tingta yulni pat kul tipni nuhni dang yayamna balna yakat Erasmus dawi Nicaragua, UAM tingni ta laidi taldinah, barak ning lani talwa ACAI-LA kulnin lani munah wawahma balna bitik yakat tinta duningna kulnina dan yayamwa usnit.