ACAI-LA tingnita pasya kat, Latinoamerica yakat baisa yamni yamwi kiwa kidi yulni, kul ni tunan bahwa kidi yamna – sumalna: “amput dawi baisa yamni yusmunnin win minit”, adika sumalna Sandra Lavive Suárez, laiwi talwa muihni as kul uni católica kaupak dawi kul sumaloyang kal ududuhna daih muih as luih minit kau salap kul uni tipni nuhni America kaupak (UAM) dawi kul uni tipni nuhni UNAN-León; adika kulni akat muih tinnita adika yamwak lapakwi kiwa kidi balna bik kakana daih.
Adika kal uduhna yakat di yaksihni as dai, kalpakwi dawi baisa biri biri lan alahwana yang na daih kaput dawi baisa tanit yak laiwi kiuna atning ACAI-LA tingnita adi, kaput dawi baisa aslah lani duwi lapakwi kiuna atning tingta yamyang balna aslah karak, kaput dawak baisa yamni dawi apahni lan kalna atning, yamni yamning. Kal uduhna bu yakat wing minit munah karanki, adika kidi yamwarangki muih as luih minit kau bu krismis wainiku yakat.
ACAI-LA kal uduhna kid nining lauwi laihwi talna Erasmus Union Europea kaupak dawi tunan laihwi kul tipni kilitna nuhni Alcala-España, tingta pani salap minit kau as kul tipni kilitna nuhni Europa dawi America Latina bann tingta pani uk uk ACAI-LA kapat bik, tanit yak duwi kiwarngki kurih basni nunuhni bu salap minit kau tiskau bas(2018).
Baisa amanglanin, talnin yul wisasamni wing minit yak:yul wisam UCN